BUTUAN CITY – Padayong i-asdang sa administrasyong Bongbong Marcos ang edukasyon sa kabataan sa nasud ilabina sa Caraga Region.
Gisaad kini ni Pangulong Ferdinand Marcos Jr. sa iyang pagbisita sa Surigao del Sur kagahapon alang sa distribusyon sa Presidential Assistance to Farmers, Fisherfolk and their Families (PAFF), pila ka adlaw human mi-resign isip miyembro sa iyang gabinete si Vice President Sara Duterte.
Sigon sa pangulo, naggahin na ang gobyerno og 1.5-bilyong pisong kantidad alang sa pagpatukod sa mga bag-ong lawak-tunghaan gawas pa sa halos tunga sa bilyon ka pisos alang sa pagpa-ayo sa mga karaang lawak-aralan.
Gawas niini, mu-abot usab sa 170-mil ka mga Caraganons nga scholar ang makadawat og pundong gigahin alang sa mga programa sa Commission on Higher Education.
Nanawagan usab siya sa tanang ahensya sa gobyerno nga dili sayangon ang mga nasiugdan sa iyang administrasyon.
