BUTUAN CITY – Sikop ang usa ak aktibong police officer nga nailang si Patrolman Michael Montalban Salgarino, 31 anyos, lumolupyo sa P-8, Brgy Salvacion, Bayugan City, ug kasamtangan nga nakadistino sa 1st Provincial Mobile Force Company (PMFC) sa Agusan del Sur. Dakpan ang maong indibidwal atul sa buy-bust operation nga gipahigayon sa P-3, Brgy Tiniwisan, Butuan City bandang alas 10 ang takna sa gabie, Oktubre 4.
Lakip sa mga nasikop sila si Jun Jun Magarin Madjos, 30 anyos, ulitawo, dunay live-in partner, laborer ug residente sa P-3, Brgy Tiniwisan, Butuan City; ignon man si Joel Sabaldan Fernandez, 25 anyos, ulitawo, walay trabaho ug residente sa IRA Housing, Brgy Baan KM3 ning syudad sa Butuan.
Nakuha gikan sa maong mga suspek ang 1 ka pakete sa heat-sealed transparent plastic sachet nga adunay sulod nga puti nga crystalline substance sa gituhoang shabu (buy-bust item); 1 ka pakete sa heat-sealed transparent plastic sachet nga adunay sulod nga white crystalline substance sa gituohang shabu (possession);Buy Bust money nga nagkantidad og Php 500.00 (Genuine) kansa dunay serial no. JL239244 (marked money); 30 pcs plastic transparent cellophane; ug 1 ka improvised nga dagom.
Sa kinatibuk-an, nakuha gikan sa mga suspek ang gibana-banang 10.705 gramos nga suspected shabu kansa nakantidad og P72,794.00.
Sumala ni Butuan City Police Office Office in Charge PCOL Rommel D. Villamor nga gawas Republic Act 9165 kon comprehensive drug act of 2002 nga atubangon sa Police nga suspek, lauman pa ang dugang mga kaso nga ipasaka batok niini isip kabahin sa internal cleansing nga ginahimo sa mga kapulisan sa ilahang han-ay.
Kung mapamatud-ang sad-an sa nasangpit nga salaod, mamahimo kining makasuhan sa mga reklamong kriminal ug administratibo, ingon man mamahimo usab kining ma dismiss sa iyahang serbisyo.
Sa kasamtangan anaa na sa kustodiya sa Butuan City Police Station 4 ang tulo ka mga dinakpan alang sa tukmang disposasyon.
