BUTUAN CITY – Tingkagol sa karsel ang usa ka aktibong myembro sa New Peoples Army human nga nasikop sa gilusad nga entrapment operation sa kapulisan og kasundalohan pasado alas 5 sa hapon niadtong Desyembre 24.
Naaresto pinaagi sa warrantless arrest sa Cantilan Municipal Police Station og Charlie Company 36IB Philippine Army ang suspek, diin base sa napaabot nga info planong ibiyahe na unta niini sakay sa motorsiklo ang mga na rekrutang estudyanteng babaye gikan sa Purok-4, Brgy. Pag-antayan, Cantilan, Surigao del Sur aron pasampaon sa CPP NPA.
Giila ni Brigadier General Joselito T Esquivel, Jr Police Regional Office (PRO) 13 Director, ang suspetsado nga si Dante Ornilla Urbiztondo, 32 anyos og resident sa Zone 3, Poblacion Lanuza Surigao del Sur kinsa aktibong myembro sa Guerilla Front Committee 30 kon GFC30.
Mag atubang sa kasong RA 10591 Illegal Possession of firearms and ammunition, RA 9208 Anti-trafficking in person og RA 9516 Illegal possession of explosive and incendiary devices.
Nasayrang narekober gikan sa Urbiztondo ang usa ka hand grenade, 1 ka caliber .38 revolver og 5 ka rounds sa mga buhing bala. Sa karon giandam na ang kasong ipasaka batok sa suspek samtang ang mga nakompiskang armas, bala og hand grenade giktakdang iturn over sa SDS PCLO alang sa Ballistics Examination.
