BUTUAN CITY – Gipasabot ni ACT Teachers Partylist Representative Antonio Tinio kung nganung hugot silang mibabag sa sugyot sa Philippine Drug Enforcement Agency kon PDEA nga mandatory drug testing sa mga magtutungha sa elementarya gikan sa Grade 4 apil na sa mga magtutudlo.
Sigon ni Congressman Tinio sa eksklusibong pakighinabi sa Bombo Radyo Butuan, tataw kaayong target niini ang mga minor de-edad nga dunay katungod nga dili angayang lapason.
Gikwestyon pa niini ang wala pagtutok sa mga suppliers sa ilegal nga drogas, nga sa ilang pagkumpirma, mga Chinese.
Kinahanglan matud pang magpakita ang otoridad ug pagsikop sa mga dagkong supplier gikan sa China.
Gawas pa kini sa dakong pondo nga kinahanglan sa pagpatuman sa maong drug test.
Sumala pa sa Kongresista nga dili kini ang tubag sa problema sa drugas tungod kay gamay lang nga porsiento niini sa mga magtutungha sa elementarya.
Nagkalapad ug nagkabata matud pa ang gitarget sa giyera kontra drugas nga nagdala ug dakong kakuyaw ilabina sa mga estudyante. (Rolan Janea)
