-- ADVERTISEMENT --

BUTUAN CITY – Gibarugan ni Commission on Elections kon COMELEC-Caraga Assistant Regional Director Atty. Geraldine Samson nga walay anomaliya nga nahitabo atol sa final testing and sealing sa Autuomated Counting Machine kon ACM sa Barangay Sto. Niño ning siyduad sa Butuan.

Kini human gikwestyon ang resulta niini sa watcher sa usa ka local candidate nga gika-ingong ang resulta matud pa nga migawas human og botar, wala mutakdo sa iyang gibotaran tungod kay ang migawas mao man matud pa ang pangalan sa ka-atbang niining kandidato.

Sa eksklusibong pakighinabi ning sibyahan, gibutyag sa opisyal nga gihimo gilayon ang recount atubangan sa mga tigbalita aron maklaro ang kaligdong sa proseso. 

Sa gihimong recount, napamatud-an nga wala kini kala-inan sa resulta, sa gipahigayong public verification sa mga sakop sa electoral board.