BUTUAN CITY – Aprubado na sa Philippine Health Insurance Corporation kon PHIC ang pag-renew sa General Luna Primary Care Facility nga maoy mag-reaffirm sa status niini isip usa ka primary care facility nga epektibo sulod sa tulo ka tuig, sugod sa Enero 1 ning tuiga, ngadto na sa Disyembre 31, 2028.
Kini nga kalampusan nagsalamit sa commitment sa local government unit sa General Luna, Siargao Islands, lalawigan sa Surigao del Norte paghatag og accessible, quality, community-centered healthcare services ngadto sa matag-residente.
Tungod niining bag-ong accreditation, gipalig-on sa LGU ang ilang misyon sa pagsiguro nga ang mga importanteng medical services, sayon lang nga makab-ot sa katawhan nga mag-promote sa mas himsog nga mga pamilya ingon man empowered nga mga komunidad ug mas resilient nga General Luna.
