BUTUAN CITY – Gipadayag ni Alliance of Concerned Teachers kon ACT Teachers partylist Rep Antonio Tinio nga gisulayan niya pag-apil sa iyang gidusong impeachment complaint batuk kang Pangulong Ferdinand Marcos Jr ang gika-ingong message recording tali nila kanhi Undersecretary Adrian Bersamin apan nagduha-duha matud pa si Rep Leandro Leviste.
Sigon ni Tinio, usa sa mga hinungdan sa pag-alanganin ni Leviste mao ang pagsusi sa Department of Energy kon DOE sa iyang mga solar companies.
Mas gusto matud pa ni Leviste nga boluntaryong ipagawas ni Bersamin ang affidavit kaysa siya ang muhimo niini aron proteksyunan ang kanhi undersecretary.
Una nang gi-dismiss sa House Committee on Justice ang impeachment complaints batuk sa pangulo human gi-aprubahan sa 39 ka mga membro sa panel ang committee report.
Gireklamo usb ni Tinio ang sayo nga pag-dismiss sa reklamo ug gipamugos nga duna’y records of communication nga magpamatuod nga nasayod kaayo ang pangulo sa kickbacks sa mga flood-control projects ingon man budge insertions kansa suportado usab sa partial ug physical evidences.
