BUTUAN CITY – Giklaro ni Western Mindanao Command kon WestMinCom spokesperson Lt. Col. Gerry Besana nga ang bandidong grupong Abu Sayyaf pa gihapon ang ilang gukdon sa pagpamomba sa Our Lady of Mt. Carmel Cathedral sa Jolo, Sulu.
Kini bisan og gi-angkon na sa teroristang grupong ISIS ang responsibilidad sa maong hitabo.
Sa eksklusibong interview sa Bombo Radyo Butuan, gipadayag sa opisyal nga padayon ang ilang manhunt operations batuk sa mga responsable sa sunod-sunod nga pagpamomba pagpanguna sa principal suspect nga si alyas Kamah ilabina nga ang ASG maoy gikutay sa nasangpit nga hitabo .
Gani, kini ang hinungdan nga nakatutok ang ilang operasyon kagahapon sa Brgy. Latih, lungsod sa Patikul.
Andam na matud pang muhimo og aerial bombardment ang ilang tropa sa maong lugar uban sa pag-abag sa ilang aircraft og artillery.
Giklaro sa opisyal nga tungod kay konektado ang Abu Sayyaf sa ISIS og tungod kay sila ang nag-operate sa ilang lugar, rason nga ang maong grupo ang ilang gukdon. (Beth Ruiz)
