BUTUAN CITY – Gikumpirma ni Shiela Guo atol sa Senate hearing kaganina nga misibat siya sa Pilipinas ka-uban ang mga igsoong sila dismissed Bamban Mayor Alice Guo ug Wesley Guo human gisundo og van sa ilang panimalay.
Atol sa pagdungog sa Senate Subcommittee on Justice and Human Rights, gi-angkon ni Shiela atubangan sa mga senador nga nakasibat sila sa nasud samtang nagbalhin-balhin og sakay og mga barko, duna’y gagmay ug dagko hangtud nga naka-abot sila sa Malaysia.
Wala na makalihay pa sa mga pangutana si Sheila human nakumpirma sa mga immigration officials nga present sa pagdungog nga wala mu-agi sa immigration bureau ang ilang pagbiya sa nasud.
Gibutyag niining taas nga oras ang ilang biyahe sakay sa van hangtud nga gipasakay sila og puti nga bangka ug nagbalhin-balhin na sa pagsakay.
Samtang sa tunga-tunga sa pagdungog, mi-apartar ang abogado sa resource person nga si Atty. Stephen David kinsa imbitado usab sa hearing og mihangyo og executive session sa rasong subjected na for inquest proceedings sa National Bureau of Investigation si Guo aron ma-practice matud pa ang interest sa pagkapatas kansa gipalagan ni Senador Ronald ‘Bato’ de la Rosa, sa rasong angayan lang masayran sa katawhang Filipino kung sa unsang paagi sila nakasibat sa nasud.
Gawas pa, dili matud pa hulga sa seguridad sa nasud ang mahatag nga impormasyon ni Sheila.
