BUTUAN CITY – Nakuha na kagahapo sa pamilya Cudaste gikan sa Impasug-ong, Bukindon ug nadala na sa ilang pinuy-anan pasado alas-onse kagabii sa Brgy. Pagatpatan ning siyudad sa Butuan ang abo ni rebel leader Ka Gonyong.
Sa eksklusibong pakighinabi sa Bombo Radyo Butuan, gipadayag sa igsoon ni Ka Gonyong nga si Lydia Cudaste, nga didto lang sa munisipyo sa Impasug-ong sila nakig-coordinate sa kapulisan diin didto nila nakuha ang abo sa iyang igsoon.
Gipasabot matud pa kanila nga gi-cremate ang patay’ng lawas sa iyang igsoon human matud pa kini nagpositibo sa COVID-19.
Gipakita usab kanila ang report gikan sa Scene of the Crime Operatives kon SOCO kondiin nasuta nga duna kini samad-pinusilan sa wala nga bukton.
Plano nila kining vigilan pa aron pamawi sa pila ka tuig dihang wala nila kini maka-uban adiser ilubong karong Lunes.
Samtang sa pakighinabi usab ning sibyahan kang kanhi rebel leader Ka Boom, nanigulang na lang sa pagrebelde sila Ka Gonyong ug Ka Oris nga wala’y nahatag nga kaayuhan ngadto sa katawhan.
Wala matud pa’y kamatu-uran ang gipadayag sa mga tigpamaba sa New People’s Army nga ang ilang pakigbisog alang sa kaayuhan sa katawhan tungod kay ang kamatu-uran, ang ilang pagpataka og pamatay ingon man pagpanunog sa mga ekipo niadtong dili muhatag sa ilang demand nga revolutionary tax, usa ka klarong terorismong kalihukan rason nga nawad-an na sila og masa ug maoy rason nga dili mulambo ang lugar nga ilang gilubluban.
