-- ADVERTISEMENT --
BUTUAN CITY – Sulod na sa singles quarterfinals sa Abu Dhabi Cup ang Pinay tennis star nga si Alex Eala human niya nalusotan ang three-set nga duwa batok sa world number 109 nga si Aliaksandra Sasnovich sa Belarus sa iskor nga 2-6, 6-4, ug 7-6.
Sa unang set, agresibo kaayo ang Belarusan nga tennis player apan sa pagsulod sa ikaduhang set, nakontrol na ni Eala ang dagan sa duwa, hinungdan nga mi-abot kini og three sets.
Nahimong dako nga hagit alang sa 20-anyos nga si Eala ang ikatulong set tungod sa pipila ka late errors, apan nalabangan niya kini human makabenepisyo sa error nga nahimo sa Belarusan nga tennis player.
Sunod nga maka-atbang ni Eala si Ekaterina Alexandrova sa Russia, nga ranked number 11 sa Women’s Tennis Association (WTA).
