BUTUAN CITY – Mi-apela si Association of Barangay Captain kon ABC-Butuan City President Nestor Amora sa Commission on Election kon COMELEC nga paminawon ang ilang presentasyon kalabot sa mga bug-at nga baruganan sa liga mahitungod sa nagkadool nga Barangay ug Sanguniang Kabataan kon SK Election.
Sigon ni Banza, Butuan City Brgy. Captain Amora kinsa atua sa Cotabato aron pagtambong sa consultative meeting, kuhaon sa liga ang pulso sa mga kapitan kung ipadayon ba ang piniliay sa Mayo 14, ning tuiga.
Dala sa opisyal ang duha ka resolusyun nga naninguha sa postponement sa Barangay ug SK Election.
Gipadayag pa ni Amora nga dili na angayang kuwestyunon ang kongreso ug dili toohan si Pangulong Rodrigo Duterte sa paglugway sa martial law nga maoy baruganan sa pag-uktaba sa piniliay karung mayo.
Sumala pa niini, bisan sila nga anaa sa barangay nahibalo sa tima-ilhan nga dunay hulga sa rebelyon.
Lakip na niini ang pagdaghan sa battalion nga gi-deploy sa Mindanao, pagsaka sa gipamalit nga ekwepong pang-gubat, gipadak-ang pondo sa militar ug ang mga lugar nga gibiyaan na sa mga residente aron makalikay sa posibling pag-ulbo sa giyera. (Rolan Janea)
