BUTUAN CITY – Padayon pang gi-imbestigahan sa kapulisan ang natigayong pagpamusil-patay sa magti-ayong Hallasgo kagahapon sa Purok 5-A, Brgy. Amparo ning siyudad sa Butuan.
Na-ila ang mga biktimang sila Dina Enriquez-Hallasgo, 48-anyos ug Sulficio Go Hallasgo, 57-anyos, parehong residente sa Purok-7, Brgy. Doongan nito ring lungsod.
Sigon ni PLt. Crispulo Alburo, tigpamaba ng Butuan City Police Office, midalikayat sa maong lugar ang magti-ayon alang sa hearing sa barangay subay sa ilang claim sa luna kondiin wala matud pa mitunga ang ilang maka-atbang unta sa hearing.
Migawas sa ilang imbestigasyon nga pa-uli na unta ang mga biktima dihang giduol sila sa wala ma-ilang gunman ug gipamusil sa makadaghang higayon.
Dead-on-the-spot ang biktimang babae samtang dead-on-arrival usab sa Butuan Medical Center ang iyang bana. Narekober sa crime scene ang walo ka basiyo sa kalibre .45 nga pistola.
