-- ADVERTISEMENT --
BUTUAN CITY – Gipakita publiko ang bag-ong pope mobile nga maoy sakyan ni Pope Francis kansa gama sa Mercedez Benz ug all-electric. Sigon sa Vatican, kini ang gamiton sa Santo Papa sa iyang paglibot aron timbayaon ang mga deboto sa St. Peter’s Square.
Na-modify kini sa German company nga G-Class mid-size luxury SUV. Gitas-an dyutay ang lingkuranan sa Santo Papa aron makita gilayon siya sa mga tawo.
Sigon ni Sten Ola Kallenius, board chair ug Chief Executive Officer sa Mercedes-Benz Group, perpekto ang matag-detalye niini nga sakyanan apan wala gibutyag sa kompanya kung pila ang presyo niini ug kung kanus-a kini gamiton.
