BUTUAN CITY – Mixed emotions na karon ang tibuok kalibutan sa mahimong resulta sa conclave sa mga cardinals nga magsugod ugmang adlawa, Miyerkules aron magpili na sa musunod nga Santo Papa human ang pagkamatay ni Pope Francis.
Sa eksklusibong pakighinabi sa Bombo Radyo Butuan, gipadayag ni Bombo international correspondent to Vatican Revered Fr. Coke Daryl Prieto nga magsugod ang conclave ugma sa alas-10:00 sa buntag, oras sa Vatican samtang alas-4:00 sa hapon oras sa Pilipinas pinaagi sa balaang misa.
Pagka-alas-4:30 sa hapon, oras sa Vatican ug alas-10:30 sa gabii, oras sa Pilipinas, magsugod gilayon ang official conclave gikan sa usa ka kapilya aron magprusisyon pasulod sa abay lang nga Sistine Chapel sa ingon masugdan gilayon ang pagpili sa 135 ka mga cardinals sa mahimong sunod nga Santo Papa apan duha kanila ang dili maka-apil tungod sa ilang sakit.
Mahimo matud pang maghulat ang mga tawo sa proseso sa conclave diha sa St Peter’s Square sa pagsugod sa misa ugmang adlawa hangtud nga mugawas na ang resulta sa musunod nga Santo Papa.
Hangtud sa pagkutlo niini nga balita, wala’y ideya ang Cagay-anon priest kung kinsa ang musunod kang Pope Francis tungod sa kasekreto nito.
