BUTUAN CITY- Natala ang bag-ong pagbuga og abo gikan sa Bulkang Mayon sa Albay kaganihang buntag, Nobyembre 3.
Sumala sa Philippine Institute of Volcanology and Seismology (PHIVOLCS), nagsugod ang ash emission sa may alas-8:22 sa buntag, kung asa ming-abot sa 1,600 metro ang gitas-on sa abo gikan sa ba-ba sa bulkan.
Gidala usab sa hangin ang abo padulong sa habagatan-kasadpan.
Padayon nga gimonitor sa PHIVOLCS ang kondisyon sa Mayon, kansa nagpabilin sa Alert Level 3.
Tungod niini, hugot nga gibawal ang pagsulod sa unom ka kilometrong Permanent Danger Zone o PDZ palibot sa bulkan tungod sa possibleng risgo gikan sa padayon niini nga aktibidad.
Gipa-amping usab ang mga residente sa mga lugar nga posibleng ma-apektuhan sa pagbuga og abo ug uban pang hulga nga may kalabotab sa aktibidad sa bulkan.
