BUTUAN CITY – Hugot nga monitoring ang gihimo sa ginsakpan sa Bureau of Fire Protection-Caraga Butuan Central Fire Station sa mga pabuto ug Christmas lights nga gipamaligya sa mga tindahan, department stores ug malls ning siyudad ilabina nga anaa na kita karon sa Ber-months.
Sigon ni SFO2 Ben Sergio Pelletero, gisugdan na nila ang ilang inspeksyon sa gipamaligyang mga Christmas lights aron masuta kung duna ba kini import commodity clearance kon ICC marks o stickers kansa mandatory nga requirement sa Department of Trade and Industry kon DTI.
Sigon ni SFO2 Pelletero, tumong sa markings nga masuta ang safety standard sa gipamaligya nga Christmas kon series lights aron malikayan ang mga dili maayong panghitabo kung mupalyar ang gipamalit nga sub-standard materials nga maoy kasagarang hinungdan sa mu-ulbo nga sunog.
Gidugang pa sa opisyal nga taliwa sa wala’y hunong nilang mga pahimangno ingon man information dissemination, nakatala gihapon sila og 170 ka mga insidente sa sunog karon lang tuiga gikan niadtong Enero apil na ang sunog kaganinang buntag sa Brgy Maon.
Samtang – tira 2nd LOCAL-BAron usab masayod ang katawhan sa angayang buhaton higayong duna’y mutumaw nga sunog samtang wala pa ang bombero, padayon ang ilang pagpakusog sa gimugna nilang ‘Bombero sa Barangay’ ug ‘Bombero sa Paaralan.’
