BUTUAN CITY – Gikumpirma sa United States Central Command kon CenCom nga gi-igo sa US forces ang lima ka Iranian tankers isip balos sa duha ka higayon nga pag-target sa Tehran ang usa ka barkong panggubat sa Amerika sulod sa mi-aging duha ka adlaw.
Nasayrang upat ka Iranian oil tankers nga konektado sa Islamic Revolutionary Guard Corps (IRGC) sa Gulf of Oman ang gi-target ug laing usa pa duol sa Kharg Island, usa ka dakong oil hub sa baybayon sa Iran sa Persian Gulf.
Mibalos ang Tehran pinaagi sa paglusad og mga missiles padulong sa usa ka US base sa Jordan apan sumala sa Jordan, nakatira ang ilang air-defence systems ug nakapukan sa 18 ngadto sa 20 ka mga Iranian missiles.
Ang sunod-sunod nga pag-atake ug pagbalos tali sa duha ka nasod misamot sa miaging semana – kapin unom ka bulan human gilusad sa US ug Israel ang mga pag-atake sa Iran niadtong Pebrero 28.
Tungod niini, misaka gilayon ang presyo sa lana sa unang trading sa Asia kondiin ang Brent crude oil, misaka og 1.5% kon ngadto sa $99.41 kada-baril, samtang ang US-traded oil, misaka og 1.6% kon bugti ngadto sa $94.55 kada baril.
Nagpasidaan ang Iran nga posible pa silang mobawos og dugang nga mga pag-atake batok sa mga barkong Amerikano nga anaa sa mga pantalan sa Kuwait ug Bahrain.
Ang IRGC Navy Command mipahimangno sa tanang crews sa oil tanker duol sa mga pantalan sa Kuwait ug Bahrain nga konektado sa US nga mobiya dayon sa ilang mga barko, bisan naka-angkla pa o anaa mismo sa pantalan, kay kini ang ilang targeton.
