BUTUAN CITY-Gipasiugda sa Commission on Population and Development kon CPD-13 ang padayon nga pagtaas sa paggamit sa modernong family planning methods sa Caraga Region, diin 52.9 porsyento sa mga babaeng adunay bana nag-edad og 15 hangtod 49 ang migamit niini base sa datus sa tuig 2025.
Gipadayag kini ni CPD-13 Regional Director Alexander Makinano atol sa press conference sa VCDU Prince Hotel, Butuan City, niadtong Agosto 13, 2026.
Mas taas kini kumpara sa 47.8 porsyento niadtong 2022 ug 46.8 porsyento sa 2017. Lakip sa mga pamaagi nga gigamit sa mga kababayen-an ang pills, implants, ug female sterilization. Samtang, mikunhod usab ang porsyento sa teenage women nga nagsugod na og panganak, gikan sa 8.2 porsyento niadtong 2017 ngadto sa 5.6 porsyento sa 2025.
Padayon usab ang CPD-13 sa pagpalapad sa information drives uban sa mga LGU aron mas mahatagan ang mga magtiayon og husto nga kahibalo bahin sa family planning. Pinaagi niini, gidasig ang mga pamilya nga maghisgot ug magdesisyon pag-ayo bahin sa ilang panglawas, gidak-on sa pamilya, ug umalabot nga panginahanglan
