BUTUAN CITY – Usa ka android waitress nga nagtrabaho sa usa ka restawran sa Chongqing, China, ang nag-viral tungod sa iyang sakto kaayo nga robotic moves nga naghatag og kalilbog sa daghang mga tawo ug nasayran nga kini usa ra diay ka maayong plano ug ilusyon.
Sa panahon karon nga daghang tawo nahadlok nga ang AI-powered robots mahimong mopuli sa trabaho sa mga tawo, lahi ang makita nga usa ka humanoid robot sa usa ka restaurant sa China tungod kay kahibulungan ang hitsura nga mura og tinuod nga tawo ang mag-serve nga makig-interact usab sa mga kostumer, mag-abi-abi sa ilang pagsulod, magkuha sa order, ug magdala sa pagkaon ug imnunon ngadto sa ilang lamesa.
Apan ang uban medyo nakulbaan o na-creepyhan usab, nga kasagaran nga reaksyon tungod sa gitawag nga “uncanny valley effect.”
Apan sa ulahi, napamatud-an nga usa diay kini ka tinuod nga tawo kinsa maoa ng 26-anyos nga dancer nga si Miss Qin ug dili man diay robot! Tungod sa kusog nga reaksyon online, daghang media outlets ang miadto sa restawran aron tan-awon ang android mismo, apan nakurat sila sa ilang nadiskobrehan: tinuod nga tawo diay ang nagpaka-aron-ingnon nga android.
Nasayrang usa diay ka dancer si Miss Qin ug gigamit ang iyang abilidad sa pagsundog sa lihok sa robot hinungdan nga epektibo ang iyang gihimo ug nagpasikat sa iyang restaurant.
