BUTUAN CITY – Giguba sa usa ka senior officer sa Armed Forces of the Philippines ang mga alegasyon nga gisulat ni Ramil Madriaga sa iyang affidavit kansa daw usa lang matud pa ka sugilanon nga walay lig-ong basehan sa balaod ug institusyon.
Sa iyang sworn affidavit, si Colonel Raymund Dante Lachica nagpresentar ug detalyado nga tubag, punto por punto, nga direktang nagkontra sa mga akusasyon batok kaniya ug sa security unit nga iyang gi-atiman kaniadto.
Sigon ni Col Lachica, wala gayud ahimong kabahin sa Vice Presidential Security and Protection Group si Madriaga gawas nga dili siya operative o kaha asset ug wala’y koneksyon sa intelligence o security units nga iyang gi-angkon nga gitrabahuan.
Gisalikway usab ni Lachica ang pasangil nga ang iyang appointment isip hepe sa security unit sa Bise Presidente gi-impluwensyahan sa external actors dayong butyag nga ang iyang pagkatudlo nakabase sa merito, kasinatian, ug pormal nga proseso militar.
Sa isyu usab sa confidential funds, iyang giklaro nga kini gi-manage pinaagi sa istriktong protocol ug designated officers, dili pinaagi sa ad hoc ug wala’y dokumentong pamaagi sama sa giingon sa affidavit.
Sumala sa mga legal observers, kung ang affidavit direktang gisupak sa usa ka credible ug high-ranking official nga adunay firsthand knowledge sa operasyon, ang burden of proof mobalhin.
