BUTUAN CITY – Subling nabandilyo sa pangkalibutanong entablado ang panawagan para sa katarungan ug kagawasan ni kanhe Pangulong Rodrigo Duterte.
Kini human gitumbok sa pamahayag sa usa ka Japanese nga si Shun-ichi Fujiki, representante sa International Career Support Association og senior researcher sa International Research Institution of Controversial Histories niadtong Marso 11 sa atubangan sa United Nations Human Rights Council (UNHRC) ang iyang kabalaka sa kawalay hustisya sa kahimtang ni Kanhe Pangulong Duterte.
Sa unang mga linya niini, gibutyag niini nga si Kanhe Pangulong Rodrigo Duterte kansa nakig-away sa ilegal nga drogas, gikuha gikan sa Pilipinas og gidala sa The Hague Netherlands og gipa-ilalom sa taas nga proseso.
Sumala pa niini, usa kini ka political persecution og dili hustisya.
Gibatikos usab niini ang Administrasyong Marcos nga nag-extradite kang Duerte nga wala sa proseso diin wala kini gi-agi sa korte sa Pilipinas og gilapas ang nasudnong soberenya.
Gilakbitan usab niini ang wala paghatag og interem release sa kanhe pangulo.
Gi-awhag niini ang United Nations Human Rights Council nga e-demanda ang humanitarian review og interim release dayung butyag nga dapat patas ang hustisya og dili himoong armas batuk sa tawo.
