BUTUAN CITY- Gikondena sa Presidential Communications Office kon PCO ang pagkuyanap sa peke ug malisyosong impormasyon kabahin sa kahimsog ni President Ferdinand Marcos Jr., lakip na ang digital nga pag-post ug pag-share sa usa ka giingong fake medical document ingon man walay basihanan.
Sa opisyal nga pamahayag, giklaro sa malakanyang nga ang dokumento wala maggikan sa lehitimong eksaminasyon medikal ug dili tinuod nga representasyon sa kahimtang sa Pangulo.
Gibutyag nga anaa sa maayong panglawas ang Pangulo, lig-on sa pagserbisyo, ug padayon nga mingtuman sa iyang mga katungdanan isip lider sa nasud.
Gipasidan-an usab ang publiko batok sa pagtuo ug pagpakaylap sa mga dili masaligan nga impormasyon nga makahatag og kasamok ug kabalaka sa katawhan.
Dugang pa nga ang pagpakaylap sa peke nga impormasyon usa ka porma sa paglapas sa privacy sa Pangulo, makadaot sa kredibilidad sa mga institusyon, ug mahimong basihan sa legal nga aksyon. Gi-awhag ang katawhan nga magsalig lamang sa opisyal nga tinubdan sa impormasyon ug magpabiling mabinantayon batok sa mga malisyosong unod kansa nagtumong sa paghugaw sa kamatuoran. Sumala pa, ang Presidente nagpabiling nakafucos sa pagserbisyo sa katawhang Pilipino.
Samtang, giklaro usab ni President Ferdinand Marcos Jr. nga nagpabilin kining anaa sa maayo nga panglawas gani aduna pa kini tambungna nga meeting karung adlawa taliwala paman sa mga pahimangno sa iyang doctor nga dili usa matud pa magtrabaho.
