BUTUAN CITY- Gipahayag ni Presidente Ferdinand “Bongbong” Marcos Jr. atol sa pagbukas sa ASEAN Tourism Forum sa Mactan Shrine, ang iyang kumpiyansa nga magpadayon sa paglambo ang turismo sa mga nasud nga miyembro sa Association of Southeast Asian Nations kon ASEAN, gani ang maong nensahe gipadala lamang niini pinaagi ni Tourism Secretary Christina Frasco tungod sa tambag medikal human sa diverticulitis.
Gipakita sa Presidente nga ang turismo dili lamang nagpalambo sa mga destinasyon apan nagsuporta usab sa mga mag-uuma, mangisdaay, transport providers, ug mga negosyante, aron masiguro nga makabenepisyo ang lokal nga komunidad sa pagpasundayag sa kultura ug pagkatawo sa Pilipino.
Sa maong kalihokan, mitambong si First Lady Liza Araneta-Marcos isip representante sa Pangulo, samtang gilunsad usab ang TRAVEX 2026 kansa nagtapok sa kapin 600 ka exhibitors, buyers, ug sellers gikan sa nagkalain-laing nasud aron ipakita ang kalig-on ug kabag-ohan sa ASEAN tourism offerings.
Ang forum nagpasabot sa panaghiusa ug kooperasyon sa rehiyon aron ang turismo mahimong tinubdan sa dugang benepisyo ug kalamboan sa katawhan.
