BUTUAN CITY- Hugot na nga gipangusgan karun sa Barangay Mahogany, Butuan City ang problema sa nagpadayon nga illegal dumping sa basura sa ilang lugar.
Sumala ni Barangay Kapitan Jesus Rodriguez Jr., dugay na nilang namatikdan nga adunay mga tawo nga manglabay og basura bisan pa nga dili residente sa barangay.
Sigon sa Kapitan, nga aron masulbad ang maong isyu, gibuhatan na nila og ordinansa ang barangay nga naglatid og multa, diin ang 1st offense ₱3,000, 2nd offense ₱4,000, ug ₱5,000 sa 3rd offense.
Matod pa ni Kapitan Rodriguez, ni dako-dako na ang penalty tungod kay nagkadaghan ang mga nalambigit sa pagpanglabay og basura. Gani sa ilang pag-imbestiga, wala sila makakita og hazardous waste, apan kasagaran sa ilang na-ukayan mao ang mga cellophane gikan sa parcel nga adunay klarong pangalan ug address, hinungdan nga na-ilhan ang mga responsable.
Gipangusgan na karon sa barangay ang pagpatuman sa balaod, ilabi na nga adunay na silay gi-betbitize nga modakop aron masiguro nga masunod ang ordinansa. Gibutyag usab niini, nga kani-adto sa wala pa sila mipatuman og ticketing system, hangyo-on lang matud pa sa kapitan sa laing barangay. Apan karon, mas gipalig-on na nila ang ilang aksyon aron mapugngan ang padayon nga paglapas sa balaod.
Dugang pa sa Barangay Kapitan, nga sa sige lang og pasaylo kaniadto mao ra gihapon ang ginabuhat sa mga molabay og basura, hinuon karon nga ipatuman na ang ticketing system wala na’y higayon sa mga molapastangan diin minghatag na sila og klarong warning ug direkta na kini ticketan kung masakpan.
Gibutyag usab niini nga kasagari sa mga molapas mao ang mga driver sa sikad kansa mangolekta og basura ug ipang labay lang bisan asa, hilabi na sa kaldawhon, diin ang basura ibilin lang sa kilid sinako o i-itsa sa tumoy aron dili makita, apan sa dihang maghimo og community service ang barangay, diha na nila makita ang mga sinak nga basura. Mipadayag usab og kabalaka ang kapitan tungod sa posibilidad nga adunay hazardous waste nga makapahimong peligro sa tanod, purok president, ug mga residente sa barangay.
Gipasi-uda usab ni Rodriguez, nga ming-propose nila sa ngadto sa City og CCTV cameras sulod sa Barangay Development Plan, aron masiguro ang kaluwasan ug masubay ang mga mosupak. Samtang naghulat pa sa aprobasyon, nagplano na matud pa sila nga magbutang og pipila ka CCTV aron ma-monitor ang kahimtang sa lugar.
