BUTUAN CITY- Giduso ni Senate President Vicente “Tito” Sotto III ang balaodnon nga nagtinguha sa pagpalig-on sa Philippine Deposit Insurance Corporation kon PDIC aron mahimong mas epektibo ug mas responsive ang sistema sa deposit insurance sa nasud.
Ubos sa Senate Bill No. 1667, ang sakup sa proteksyon sa deposito palapdan, lakip na ang pagpatuman sa differential insurance ug ang pagpalapad sa deposit insurance sa pipila ka mga non-bank financial institutions ug mga produkto sa kooperatiba kansa giisip nga mga deposito sa Bangko Sentral ng Pilipinas ug sa Cooperative Development Authority.
Ang balaodnon nagtumong usab sa pagpadali sa pagproseso ug pag-isyu sa mga deposit insurance claims aron ang mga depositor maka-access dayon sa ilang mga tinigom kung adunay pagsira sa bangko. Ingon man nga ang balaodnon nagtugot usab sa temporaryo nga paghatag sa hingpit nga deposit insurance coverage o temporaryo nga blanket coverage kung adunay hulga sa kalig-on sa sistema sa panalapi, sumala sa gitino sa Monetary Board.
