BUTUAN CITY-Nanawagan si Palace Press Officer, Undersecretary Claire Castro nga respituhon ug dili himuong joke ang hisgutanang panghimsog sa Presidente.
Kini subay sa pamahayag ni Senador Imee Marcos kansa mingbutyag nga “uncared” si President Ferdinand Marcos Jr. Sumala ni Usec. Castro, walay katungod nga himuong kataw-anan o show ang paghatag og pahimangno kalabot sa usa ka tao nga adunay gihambin nga balatian.
Gani, ang gikinahnglan matud pa sa Presidente o ni kinsa man ang adunay sakit, tinud-anay nga pagpakabana ug tinuod nga pag-atiman, dili pagka-“komedyante o payaso” atubangan sa publiko.
Gipasiugda usab ni Castro nga dili angay magpaka-plastik o mogamit sa mga isyu sa panglawas aron lang makuha ang simpatiya sa kadaghanan, ug giawhag ang tanan nga mahimong responsable ug tawhanon sa ilang mga pamahayag.
