BUTUAN CITY- Malampuson ang napahigayon ang tree planting activity pinaagi sa mga gisakupan sa Agusan del Sur Police Provincial Office (ADSPPO) kauban ang Prosperidad Municipal Police Station personnel, Southway College of Technology (SOCOTECH) ug St. Francis Xavier College criminology students.
Ang nasangpit nga kalihukan kabahin sa padayon nga commitment alang sa pagprotektar sa kinaiyahan ug malahutayong kalambuan.
Ang inisyatiba minghulagway sa suporta sa organization alang sa national ug local programs nga nagprotihir sa pagpreserba sa natural resources sa kasamtangan ug alang sa umalabot nga henerasyon.
Gihimo ang maong kalihukan sa paghiusa sa mga police personnel ug partner stakeholders sa hiniusang paningkamot sa pagtanom ug punoan.
Pinaage usab sa maong paningkamot gipakita sa ADSPPO ang public service labaw pa sa law enforcement—nga naglambiggit sa kinaiyahan ug sa komunidad nga giserbisyohan.
Ang maong pagpananom ug kahoy gikaingon nga simbolo sa dedikasyon sa organization sa pagbuhat nga luwas ug mas maayong ugma alang sa Agusan del Sur.
