BUTUAN CITY- Nagpahimulos og dakong protesta ang mga residente sa Minneapolis human sa insidente niadtong Sabado diin gipusil ug napatay sa federal immigration officers ang usa ka 37-anyos nga lalaki, samtang nagapadayon pa ang kasuko sa syudad tungod sa laing pagpamusil nga nahitabo pipila ka semana ang milabay.
Sa kasamtangan, wala pay husto nga detalye sa panghitabo, apan gipadayag ni Minnesota Governor Tim Walz nga ang insidente nahitabo taliwala sa immigration crackdown sa administrasyong Trump.
Sumala pa sa Minneapolis Police Chief Brian O’Hara, ang biktima usa ka residente sa syudad.
Ang pagpamusil nahitabo samtang nagapadayon ang adlaw-adlaw nga mga protesta sa Twin Cities sukad pa sa Enero 7, dihang gipusil ug napatay si Renee Good, usa ka 37-anyos nga Amerikana, sa kamot sa Immigration and Customs Enforcement officer.
Ang insidente niadtong Sabado nahitabo lamang kapin usa ka milya gikan sa dapit diin napatay si Good.
