BUTUAN CITY- Lauman nga mas paningkamotan pa sa Senado ang pag-imbestigar batok sa kanhi Department of Public and Highways kon DPWH Secretary Manuel Bonoan tungod sa giingong sayop nga grid coordinates nga iyang gihatag kang President Ferdinand Marcos Jr.
Sumala ni Senate President Pro Tempore Panfilo Lacson, nga kinahanglang si Bonoan mismo ang motubag diin asa siya pa ang Secretary sa panahon nga gipasa ang datos sa “Sumbong sa Pangulo” website.
Sigon pa ni Lacson, nga dili siya magduha-duha nga pahamtangan og contempt ug idetine si Bonoan kung molikay kini o dili motubag sa hustong pamaagi sa mga pangutana sa mga senador.
Gipakita sa testimonya sa mga undersecretaries sa DPWH nga adunay klarong pattern sa sayop nga lokasyon sa mga flood control projects, diin 86% sa nasuta nga mga proyekto adunay sayop nga datos.
Posible matud pa nga kini gituyo aron mapugngan ang seryosong imbestigasyon ug ilihis sa mga depektibong proyekto, ug aron ma-question ang kredibilidad sa “Sumbong sa Pangulo” website nga gigamit pa isip ebidensiya sa pipila ka kaso.
Gibutyag usab niini, nga ang pagtuyo sa paghatag og sayop nga coordinates mahimong usa ka taktika aron maprotektahan ang mga responsable ug malikayan ang pagpanubag sa korte.
