BUTUAN CITY– Welcome alang kang Agriculture Secretary Francisco Tiu Laurel Jr. ang dakong pagkunhod sa food poverty sa Pilipinas sa ika‑upat nga quarter sa 2025, base sa OCTA Research Tugon ng Masa kon TNM survey kansa nagpakita sa paghuyang sa pasanon sa daghang pamilya sa ilang adlaw‑adlaw nga pagkaon.
Ang maong pagkunhod gilambigit sa mas sayon nga access sa pagkaon ug sa kalig-on sa presyo sa merkado. Sumala sa kalihim, kini resulta sa komprehensibong mga lakang ug estratehiya sa kasamtangang administrasyon aron masulbad ang problema sa food poverty, lakip na ang pagpanalipod sa supply sa pagkaon ug suporta sa mga mamumuo ug mamalitay.
Gipunting usab niini ang paspas nga pagpalapad sa Rice Program nga gipangulohan ni Pangulong Ferdinand Marcos Jr., kansa nagtinguha nga makab-ot ang 15 milyon ka pamilya karong tuiga.
Target usab sa presidente nga mapadayon ang ₱20 rice program hangtod sa katapusan sa iyang termino sa Hunyo 2028 aron masiguro ang abot‑kayang bugas alang sa mga Pilipino.
