BUTUAN CITY- Gikumpirmar ni House Secretary General Atty. Cheloy Velicaria-Garafil nga ang impeachment complaint batok kang Presidente Ferdinand “Bongbong” Marcos Jr. gipadala na ngadto sa Office of the Speaker niadtong Martes, kansa nagpasabot sa pagsugod sa internal nga proseso sa House subay sa Konstitusyon.
Sumala ni Garafil, nga subay sa gitakdang mga pamaagi, ang napamatud-an nga reklamo gipadala na ngadto sa opisina ni Speaker Faustino “Bojie” Dy III alang sa angay nga aksyon ug gipasiugda niini ang papel sa Office of the Secretary General diin administratibo lamang ug hugot nga gigiyahan sa Konstitusyon ug mga lagda sa House.
Gipasabot usab ni Garafil nga ang pagdawat, pagrekord, ug pagpadala sa reklamo mao ang unang lakang aron masiguro ang kahapsay ug hustong proseso.
Ang reklamo gisang-at niadtong Enero 19 ni Atty. Andre de Jesus ug gi-endorso ni House Deputy Minority Leader ug Pusong Pinoy Party-list Rep. Jett Nisay. Kini ang unang impeachment complaint batok kang Presidente Marcos sukad siya milingkod sa pwesto.
