BUTUAN CITY- Wala na matud pa’y maayong dagan sa nahitabong hearing sa Senate Blue Ribbon Committee tungod kay mga gagmay lang nga personalidad nakapukos ang maong komitiba.
Sumala ni Atty. Orly Vicente Montalban, legal expert, nga base sa iyang na-obserbaran aton sa hearing, mga gagmay’ng tawo lang ang gipukosan samtang ang mga dagkong personalidad ingon man big fish nga gipan bulgar sa mga whistleblowers, sa mga gipangbulgar ni Batangas 1st District Leandro Antonio Legarda Leviste sa Cabral files ug ingon man ang expose ni Zaldy Co, wala’y gipakita.
Sigon pa ni Atty. Montalban, kahibalo na ang katawhan sa kung unsa’y kamatuoran bisan pa man nga gipanalipdan sa Senado ang mastermind sa korapsyon sa nasud ilabina sa mga ghost flood control project,s gani na iskurahe kini tungod kay klaong adunay giprotektahan ang committee.
Dugang pa ni Montalban, sukwahi ang nahitabo sa gila-uman sa katawhan nga ipakita gani aduna usab matud pa pagsupak sa balaod nga kung tan-awon kinahanglan nga i-correct sama sa pagpa-ubos ni Engr. Henry Alcantara sa Witness Protection Program kon WPP kondiin kwestyunable ang pagkalakip niini sa maong listahan.
Sumala pa ni Montalban, si Alcantara anaa na hinuon sa less guilty, ug kung tan-awon ang mga testimonya niini dili kwalipikado, ug lakip kini sa ilang gihimo nga pagpangurakot sa kwarta sa katawhan.
Gani minghatag kini og milyones pesos ug daw aduna pay dugang nga ihatag.
