BUTUAN CITY- Ugdaw ang panimalay sa usa ka 33 anyos nga lalaki human nga gilamoy kini sa kalayo pasado alas-9 sa buntag kagahapong adlawa Sabado Enero 17 sa Purok Nopol, Barangay Conel, General Santos City.
Sumala pa ni Alyas Reggie 33 anyos ug tag-iya sa maong panimalay nga kalit lang ang panghitabo kung asa nag sugod matud pa ang kalayo sa silong nga bahin sa ilang panimalay ug paspas kini nga mikatag paingon sa ubang bahin sa balay tungod kay gama kini sa light materials.
Blangko matud pa kini kung nganong nasunog ang ilang balay tungod kay wala man unta silay nabilin nga mga nakasindi pa nga kandila ug lutuan nga maoy hinungdan sa sunog.
Dili usab mamahimo nga tungod sa kuryente ang sinugdan sa sunog tungod kay wala matud pay linya sa elektrisidad ang ilang panimalay.
Daku ang pagtuo sa nahisgutang biktima nga gibinuangan sila sa dili ingon nato ug gisunog ang iyang balay nga posibleng rason nganong midilaab kini.
Dugang pa bugtong cellphone, beste nga gisuot niini ug ang iyang kaipon lang ang naluwas sa maong sunog.
