BUTUAN CITY- Opisyal nang gihuman sa mga otoridad ang mga gihimong search and rescue operations sa Binaliw Landfill sa Cebu City human marekober sa mga otoridad ang kataposang patay’ng lawas nga nawala nunot sa nahimong landslide sa maong lugar niadtong Enero 8.
Sumala sa Cebu City Disaster Response Committee, nga nakuha ang patay’ng lawas kaganiha sa buntag Domingo hinungdan nga minghapak na sa 36 ang ihap sa mga namatay sa insidente.
Gawas niini, tanang nataho nga nawala ug namatay sa panghitabo accounted for na usab, samtang 14 ang nagpabilin sa ospital ug 4 usab ang kasamtangang gipapa-uli na sa ilang mga panimalay ug pamilya.
Samtang, niadtong Biyernes usab gihinumdom sa mga kabanaya sa mga namatay sa landslide ang ilang mga mahal sa kinabuhi dungasa pagdeklara og State of Calamity sa lugar.
