Gikumpirma ni Iran Supreme Leader Ayatollah Ali Khamenei kagahapong adlawa Sabado, Enero 18, nga liboan ka-tao na ang namatay sa nagpadayon nga protesta sa Iran, diin gihulagway niini ang pipila sa mga pagkamatay nga “inhuman, savage manner.”
Ang marahas nga demonstrasyon nagsugod niadtong Disyembre 28 tungod sa krisis sa ekonomiya ug panawagan nga tapuson ang liderato niini.
Sumala sa Human Rights Activists News Agency kon HRANA, nga dili moubos sa 3,090 ang namatay samtang mas-taas pa ang gibanabana sa ubang grupo, apan lisod makumpirma tungod sa internet blackouts.
Gani gibasol ni Khamenei ang Estados Unidos ug gitawag si U.S. President Donald Trump nga “criminal,” samtang minghulga sa US State Department nga bisan unsang atake sa American bases tubagon nila sa “very, very powerful force.”
Samtang, nagpabilin nga 2% ra sa normal ang internet connectivity sa Iran ug gibuhat na sa US ug UK ang partial withdrawal sa ilang personnel sa Al-Udeid air base sa Qatar isip precautionary measure.
