BUTUAN CITY– Misaka na sa 26 ang ihap sa mga namatay human nahugno ang landfill sa Barangay Binaliw, Cebu City.
Sumala ni Cebu City Councilor Dave Tumulak, ang pinakabag-ong biktima usa ka babaye nga nakuha pasado alas-8:06 kagabii ug padayon pang gi-ila.
Sa pagkakaron, napulo pa ka tawo ang padayon nga gipangita samtang 18 ang nagpa-alim sa tambalanan tungod sa mga na-angkon nga samad.
Padayon ang mga rescuers pagpangita, pagkuha ug pag-ila sa mga biktima aron masiguro nga makuha ang tanan ug matabangan ang mga naluwas.
Ang insidente naghatag og dakong kabalaka sa komunidad ilabina sa kaluwasan sa landfill area.
Padayon ang koordinasyon sa mga rescuers, medical teams, ug lokal nga panggamhanan aron masiguro ang hapsay nga operasyon ug matubag ang panginahanglan sa mga biktima ug ilang pamilya.
