Nagpanik sa paningkamot nga mabalik ang pagsalig sa Pilipinas si President Ferdinand Marcos Jr. gikan sa mga foreign country ug gobyerno, hilabi na sa Middle East.
Sumala ni Jeffrey “Ka Eric” Celiz, Secretary General sa Bangon Sambyanan, nga nagpanik ang Presidente sa paningkamot nga mabalik ang pagsalig sa ubang kanasoran tungod sa pag-ubos sa halos 40% nga foreign direct investment sa miaging 18 ka bulan kansa nagresulta sa pag-sira o pagbalhin sa daghang kompanya.
Sigon pa niini, nga kini bunga sa sayop nga pamalaod ug korapsyon nga nakit-an sa tibuok kalibutan.
Gipasi-ugda usab ni Celiz, nga ang pagbisita ni Marcos sa Middle East ug pakig-uban sa mga negosyante ug OFWs nagpakita nga nag-atubang kini sa epekto sa pagkunhod sa trust rating ug sa kahimtang sa ekonomiya nga naglisod na sa pagbarug.
Gipasi-atab usab ni Ka Eric, nga ming-ubos na usab ang exchange rate sa peso ngadto sa dolyar kansa nagdala og dakong kadaot sa importasyon, produksyon sa pagkaon, ug suplay sa lana, samtang 95% sa mga Pilipino nagtuo nga mingsamot ug kalapad ang korapsyon sa Marcos Administration, inay naglisod sa pagpaningkamot nga mabalik ang respeto ug suporta sa ubang nasud, apan klaro nga nagapakita kini sa pagkalubog sa kredibilidad sa iyang pangagamhanan.
