BUTUAN CITY – Gitudlo ni Pangulong Ferdinand “Bongbong” Marcos Jr. si Assistant Director Angelito Magno isip bag-ong director sa National Bureau of Investigation (NBI), human sa pagluwat sa katungdanan ni Director Jaime Santiago.
Ang bag-ong hepe sa NBI maoy hepe kaniadto sa Information and Communications Technology Service (ICTS) sa ahensya, diin siya ang responsable sa teknolohikal nga aspeto sa mga operasyon sa NBI.
Nagsugod si Magno isip usa ka line agent sa NBI, rason nga nasayod siya sa mga kalisdanan ug hagit sa field operations.
Niadtong Agosto 2024, nagsilbi usab siyang Deputy Director for Investigative Services, ug siya ang nanguna sa pagpangita kang Bamban Mayor Alice Guo ug uban pang high-profile investigations.
Gikumpirma ni Santiago nga gidawat na sa presidente ang iyang irrevocable resignation ug gila-uman nga ipagawas ang opisyal nga kaumanduan sa umalabot nga mga adlaw, aron makabaton og bag-ong liderato ang ahensya.
Nagpasalamat si Santiago sa mga empleyado sa NBI sa ilang suporta ug dedikasyon sa panahon sa iyang serbisyo, ug nanghinaut nga magpadayon ang ilang matinud-anon nga pag-alagad sa nasod.
Si Santiago, usa ka retiradong huwes kinsa gitudlo isip NBI Director niadtong Hunyo 2024, apan ni-resign siya duha ka bulan ang milabay, niadtong Agosto.
