BUTUAN CITY – Mas giplastar lang, ug walay dakong kabag-ohan ang pag-utro sa mga intra-city routes ning dakbayan sa Butuan sa mga multicabs nga nagbiyahian sa managlahing barangay kansa sugdan pagpatuman karong Biernes, Septembre 10.
Sa eksklusibong pakighinabi ning sibyahan, gipasabot ni Engr. Karl Jun Arellano, head sa Planning and Data Management Division sa City Transportation and Traffic Management Department kon CTTMD-Butuan nga bugtong nabag-o lang sa nasangpit nga mga ruta mao ang pag-usa sa pipila ka mga route numbers ug pagdugang og laing mga ruta aron ma-accommodate ang ubang mga baranggay nga mipasar sa pagduki-duki nga pwede nang butangan og mga Public Utility Vehicles kon PUVs.
Apil sa madugang ang Route 6, nga mubiyahe sa Barangay Maguinda ngadto sa Agusan del Norte Provincial Capitol; ingon man ang kanhi route 12 nga gikan sa Provincial Capitol ngadto sa Barangay Amparo, kansa mahimo nang route 7, diin dugang ma-agihan niini ang Dulag ngadto sa Tungao.
Duna usay mga ruta nga gi-combine, sama sa route 1ug 2, nga karon, mao na ang route 1. Samtang ang route 4, mahimo nang route 2; ang route 10, mahimo nang route 3; ang 7, mahimo nang 4; samtang ang route 8 mahimong 5.
Ang pamahayag ni Engr. Karl Jun Arellano, head sa Planning and Data Management Division sa City Transportation and Traffic Management kon CTTMD Butuan.
