BUTUAN CITY – Ningsaka na sa 73 ang patay tungod sa magnitude 6.9 nga linog sa Cebu ning nakalabayng adlaw, base na sa pagkumpirma sa Office of the Civil Defence.
Sa maong ihap, 33 niini ang gikan Bogo City nga maoy epicenter sa linog, 22 sa San Remigio, 11 sa Medellin, 5 sa Tabogon, ug tag-usa sa Sogod ug Tabuelan. Sumala sa maong ahensya, lakip na sa maong ihap kadtung kamulo pang gipangita nga mga nangawala, o kadtung mga natabunan sa mga dakbalay.
Samtang wala nay gipangita ang mga rescuers nga mga biktoima, kon “all accounted for” na ang ang status sa nasangpit nga linog. Sa pagkakaron, magtukod na ang pangamhanan katimbayayong ang Philippine Red Cross og mga tulda alang niadtung mga residente nga dili pa gustong mobalik sa ilahang mga panimalay o sa bisan asang dakbalay ilabi na nga padayon pa gihapon ang mga pagtay-og sa yuta sa hangtud ning mga taknaa sa nasangpit nga lugar.
Kagabie, nakasinati na usab og magnitude 4.2 nga linog ang ground zero sa maong kalamidad nga mo ang Bogo City, Cebu. Sa kasamtangan, ning kabat na sa kapin 3-mil ang mga natalang aftershoks sa nasangpit nga lugar.
