Butuan city – Subling midangop ning sibyahan sa Bombo Radyo si Marissa Iting-Amante, ang reklamante sa flood control infrastructure nga gitukod tungod sa ilang balay sa Purok 11, Brgy Afgha, Sibagat, Agusan del Sur. Kini aron klaruhon ang pamahayag nila Engineer Mynard Cagmat ingon man nila ni Kapitan Arnel Abuzo, human mibisita usab ning sibyahan niadtong Lunes, ug nagpagawas sa ilang panig sa maong isyu.
Sumala ni Marissa pakighinabi ning sibyahan, gihangyo siya sa nasangpit nga grupo nga dili na ipadayon ang reklamo niini sa Bombo Radyo, bugti sa ilang pagbalik sa napingsan niining balkonahe, ug utrohon na lamang matud pa nila ang disenyo sa nasanpit nga proyekto. Sumala niini, gusto usab matud pa sa mga opisyal nga bawion niya ang iyang unang pamahayag ning sibyahan, butang nga dili niya gustong himoon sanglit siya man usab ang mahimong bakakon.
Gipamugos ni Amante nga dili gayud mabahaan ang ilang nahimutangan, sukwahi sa pamahayag sa kapitan nga mabahaan kini ilabi na kung kusog ang ulan. Sigon ni Amante, anaa sila nahimutang sa bungtod nga bahin rason nga dili gayud sila mabahaan gawas nga wala usa’y kusog ug lawom nga baha sa ilang lugar.
Ang pamahayag ni Marissa Iting-Amante. Una nang gipanghimakak ni Kapitan Abuzo nga dili gamay lang ang sapa nga gibuhatan og flood control infrastructure tungod kay miabot matud pa kini sa eskwelahan, rason nga matag bundak sa ulan, modako kini.
Si Kapitan Arniel Abuzo.
