Alex Eala, taktak na sa Jingshan Tennis Open semis

BUTUAN CITY – Taktak na sa semifinals sa Jingshan Tennis Open ang Pinay tennis star nga si Alex Eala human kini mapildi ni Lulu Sun sa New Zealand sa score nga 6-3, 4-6, 2-6.

Nakuha ni Eala ang unang set ug nakalamang pa sa iskor nga 2-1 sa ikaduhang set, apan gisundan kini sa upat ka sunod-sunod nga kadaugan ni Sun.

Naka-recover pa si Eala ug nakadaog og duha ka sunod-sunod nga duwa aron, apan subling gidomina ni Sun ang dula.

Sa pagsugod sa ikatulong set, dali nga nanguna si Sun human makuha ang unang upat ka duwa.

Misulay pa og bawi si Eala, apan gisilyohan ni Sun ang iyang kadaugan sa kataposang bahin sa set.

Kini na ang ikaduhang kapildihan ni Eala batok kang Sun human sa ilang panag-atbang sa Wimbledon qualifiers niadtong miaging tuig.