BUTUAN CITY – Gipadayag ni Senador Allan Peter Cayetano nga posibleng duna na usay mahitabong Senate Coup dayong klaro nga wala pa kini planoha sa minority bloc. Sumala ni Cayetano, bisan wala nila gihisgutan sa minority kung kinsa ang mopuli sa Senate President, dili angay isira ang posibilidad sa ka-usaban niini.
Sumala ni Cayetano, gusto matud pang mahimong majority sa kasamtangan nga minority, apan dili musugot niini ang majority. Hangtud karon, wala pa nila mahisguti kung kinsa ang ituboy nilang senate President ugaling mabungkag na usab ang majority bloc taliwala pa man nga siya ang napiling minority leader.
Dugang sa senador, gikatingala nila nga ang majority ang bagbutyag nga dunay plano ang minority nga subling paglahugay kung mismong sila ang naghimo niini kaniadto, diin election pa lang, plano na matud pang ilisan si Senador Chiz Escudero. Gimanduan usab ni Cayetano ang majority bloc nga atimanon ang ilang kaugalingon, ug dili na hilabtan ang ilang plano sa minority.
Una nang nag-caucus kagahapon ang majority bloc tungod sa nasangpit nga hungihong. Lakip sa kasamtangang minority sila si Alan Peter Cayetano; Rodante Marcoleta ug Joel Villanueva, kansa Deputy Minority Leaders; Chiz Escudero, Imee Marcos, Jinggoy Estrada, Robin Padilla, Ronald “Bato” dela Rosa, ug Bong Go. Samtang ang nahabilin, mao na ang majority. Lakip sa mga oposisyon nga ning-anib sa majority sila si Kiko Pangilinan, Bam Aquino, ug Senadora Risa Hontiveros.
