BUTUAN CITY – Gikumperma ni Commission on Elections (Comelec) chairman George Erwin Garcia nga ang iproklamar sa poll body si Gabriela party-list 1st nominee Sarah Elago isip ika-64 nga mananaog nga party-list representative sa 2025 elections.
Sumala ni Garcia, kini subay sa gikinahanglan sa konstitusyon nga ang mga party-list representative kinahanglan nga molangkob sa 20 porsyento sa mga miyembro sa Kamara.
Dugang niini nga nga posibleng karong Huwebes ipahigayon ang opisyal nga proklamasyon sa bag-ong kongresista.
Ang maong lakang nunot sa pagsalikway sa Comelec en banc sa apela sa Duterte Youth Partylist nga balihon ang desisyon sa second division nga isalikway ang ilang rehistrasyon tungod sa kapakyas sa publication ug accreditation hearing kansa maoy gikinahanglang sa Konstitusyon ug sa Comelec. Ikaduha unta ang Duterte party-list sa 2025 midterm elections nga adunay kapin sa 2,338,500 ka boto.
