BUTUAN CITY – Suportado sa labor group ang lakang nga gihimo ni Presidente Ferdinand Bongbong Marcos Jr., partikular ang paganunsyo niini sa mga napiling membro sa fact-finding body nga Independent Commission for Infrastructure (ICI) kansa mao sila si Rogelio “Babes” Singson ingon man si Rossana Fajardo.
Sumala ni Atty. Sonny Matula, Presidente sa labor group nga Federation of Free Workers ingon man kanhi usab nga executive director sa Presidential Anti-Graft Commission niadtung 2001 ngadto sa 2002, nga welcome alang kanila ang nasangpit nga lakang ni Presidente Marcos.
Sumala niini nga taas matud pa ang panlantaw sa mga tawo alang sa mga Certified Public Accountant sama ni Fajardo. Bugtong problema lamang matud pa kung i-appoint ni Presidente Marcos si Mayor Benjamin Magalong sa Baguio City tungod kay bawal matud pa kini ilawom sa konstitusyon.
Sayrang makita sa Article 9-B, Section 7 sa Philippine Constitution nga bawal i-appoint ang mga elected official samtang anaa pa kini sa iyahang katungdanan.
Sa kasamtangan, adviser lamang matud pa si Mayor Magalong alang sa maong komisyon sigon sa Presidente.
Subay niini mamahimo matud pang kuhaon sa intelligence fund sa Presidente ang igasto sa nahisgutang komisyon. Dugang ni Matula nga bisan kon dili kini kuhaon sa intelligence fund sa Presidente, mamahimo gihapon kining contingency fund niini, kansa naka-gahin nang daan sa ingon nga dili ma-ipit ang Presidente sa mga himoon niining special projects.
Subay niini, taliwala matud pa nga specialty ni Fajardo ang mga korporasyong nalambigit kaso sa flood control alang sa skills niini sa auditing, mamahimo gihapon matud pa kini sila makig tinabangay sa pangamhanan, ilabi na sa mga state auditors.
