BUTUAN CITY – Dakong kakurat sa usa ka Butuanon nga halos pipila lamang ka lugas nga mga mabdus ang kayang i-cater sa Butuan City Medical Center sa usa ka adlaw lamang.
Sumala ni Genesis Bongato, usa sa mga nakasinati og kapait dihang gidala niini ang mabdus niyang asawa sa maong ospital, tag-napulo lamang ka mga buros ang kayang i-cater sa nasangpit nga balay tambalanan.
Gibutyag niini nga dihang gidala niya ang iyang asawa maong ospital aron magpacheck-up, wala matud pa sila ma-atiman sanglit, kadto ramang hapit na ang kabuwanan ang gi-una pag-cater.
Niadtong higayuna, daghan matud pa silang mga nagtapok sa gawas, ug ang uban, gikan pa sa kadlawon.
Migawas ang maong reaksyon dihang midangop dinhi sa sibyahan sa Bombo Radyo ang usa ka single mom aron magpatabang sa iyahang duha niya ka mga anak nga duna’y pulmonia.
Sayrang midangop ning sibyahan si Irish Macaudang tungod sa kawad-on niinil, ilabi na nga asta ang ginagmay nga mga panginahanglan alang sa dextrose sama sa plaster, apil na sa gipapalit kaniya sa gawas.
Misulay matud pa siya pagpangutang sa parmasya sa gawas nga bahin sa ospital, apan wala siya pa-utanga rason nga naka-abot siya dinhi sa sibyahan sa pagpangyo og tabang.
Midangop na usab siya sa ilang barangay office aron mangayo bisan og ginagmay lang apan wala’y nakatunol kaniya bisan piso. Emosyunal kining nanawagan niadtong duna’y ikatunol kaniya nga anhaon lang siya sa BMC aron madali na sa pagpatambal ang iyang mga anak.
