BUTUAN CITY – Mahimo nang makuha ang plaka sa motorsiklo nga lakip sa backlog gikan niadtong tuig 2014 ngadto sa 2018 subay sa pagpahigayon sa mga personahe sa Land Transportation Office kon LTO Caraga Regional Office og “Oplan Release Plaka” License Plate Distribution for Motorcycle Owners.
Gihimo kini aron ipaduol na lang ngadto sa publiko ang ilang panerbisyo. Sa pinakaulahing taho, kapin kon kulang 36,000 na ka mga plaka ang nahatag ngadto sa mga nanag-iya og motorsiklo.
Molungtad ang Oplan Release Plaka sa SM City Butuan taman Setyembre 19, ug magpadayon hangtud sa kataposan sa Oktubre apan didto na kini ipahigayon sa matag-opisina sa LTO.
Sumala ni Mosakari Tanggor, Officer In-Charge sa Oplan Release Plaka License Plate Distribution for Motorcycle Owners, makuha ang plaka, kung mapresenta sa tag-iya ang OR/CR sa iyang motorsiklo ingon man valid ID. Samtang kadtong magpasugo lang, dugang nga ipadala ang authorization letter.
