BUTUAN CIRY – Gikumpirma sa Department of Justice nga mobarog isip testigo sa International Criminal Court si Royina Garma, kanhi general manager sa Philippine Charity Sweepstakes Office kon PCSO, batuk kang kanhi Pangulong Rodrigo Roa Duterte.
Sumala ni Justice Secretary Jesus Crispin Remulla, gibutyag kini kaniya ni Antonio Trillanes IV human matud pa gihangyo sa International Criminal Court nga makuha ang testimonya niini mahitungod sa kaso.
Nasayrang gawas sa pagka Genaral Manager ni Royina Garma sa PCSO, usa usab kini ka retiradong opisyal sa kapulisan nga nalambigit sa kontrobersyal nga ‘extrajudicial killings’ niadtung panahon sa administrasyon ni Duterte.
Giklaro ni Remulla nga kinahanglan ni Trillanes nga makig-konektar sa International Tribunal tungod kay wala matud pay derekta nga koneksyon ang kagamhanan sa Pilipinas tali sa nasangpit nga hukmanan.
Gipa-ambit usab sa kalihim nga mubiya si Garma sa Pilipinas aron pagtestigo kontra kang Duterte pinaagi sa pakigkita niini sa mga imbestigador sa International Criminal Court sa Malaysia.
