BUTUAN CITY – Nanghinaot ang political analyst nga si Atty. Orly Montalban nga dili unta ang kasamtangan nga mga imbistigasyon sa kamara ug senado, ingon man ang isyu sa kurapsyon ug ghost ingon man flood control projects ang hinungdan sa paglahugay sa committee chairmanship sa Senado.
Kini human nga base sa obserbasyon, kasagaran sa gipangyagyag nga mga pangalan sa Discaya Couple kagahapong adlawa, naggikan lamang sa usa ka partido. Dugang panghinaot niini nga unta dili tungod sa tinguhang tabunan ang pipila ka mga mambabalaod rason nga duna’y dynamic change sa liderato sa Senado.
Nasayrang apil sa mga gilaglag sa magti-ayong Ddiscaya kay halos gikan lang sa duha ka kolor sa politika, sama nila Roman Romulo kansa membro sa Aksyon Demokratiko ug nakig alayon sa House supermajority; Arjo Atayde nga Nacionalista, ug lakip usab sa UniTeam bloc; Marcy Teodoro nga gikan sa Nacionalista, ug bana sa kanhi Tingog Partylist kansa pro Marcos; Terence Calatrava kansa Direktang Duterte appointee; Jojo Ang sa USWAG Ilonggo kansa dayag nga gidayeg ni Presidente Marcos Jr, ang pro admin nga si Patrick Michael Vargas ug uban pa.
